Vetëm pak momente më parë kryetari i bashkisë së Tiranës, Erion Veliaj së bashku me nënkryetarin Arbër Mazniku kanë inaguruar një ambient fantastik në qëndër të kryeqytetit. “Tirana Fan Zonë” është vendi ku tifozët kuqezi do të grumbullohen në kryeqytet. Nën shoqërinë e DJ Aldos, me pije për tu konsumuar dhe me një ekran gjigant është inaguruar kjo “qytezë sportive” në kryeqytet. Qindra tifozë kanë mbërritur për të parë ndeshjen e parë të EURO 2016, ndërkohë që nesër priten mijra tifozë kuqezi për të mbushur sheshin “Nënë Tereza” dhe ndjekur ndeshjen debutuese të Shqipërisë në këtë eveniment.
