Me klubin korçar arriti që të fitojë katër tituj kampionë dhe të jetë trajneri i parë në historin e futbollit shqiptar që drejtoi një ekip në grupet e Europa League. Arriti shumë me Skënderbeun, sa askush tjetër, kështu që e gjithë Korça i shpreh mirënjohje. Ndërsa klubi ka zyrtarizuar trajnerin e ri, Skënderbeu në faqen zyrtare në “facebook” ka falenderuar teknikun kryeqytetas.
“Faleminderit Trajneri Mirel Josa…
Gjashtë tituj kampionë radhazi si askush tjetër më parë, katër prej tyre nën drejtimin e trajnerit Josa. Sigurisht që jeta është cikël, i cili ka një fillim dhe një fund. Pas katër sezonesh fantastike me rezultate historike largohet trajneri Josa nga pankina e Skëndërbeut. Jemi të sigurtë që marrdhënia do jetë po e njëjtë edhe pas kësaj ndarje, pasi Josa do të mbetet përgjithmonë pjesë e historisë së një klubi, i cili theu rekorde kombëtare dhe më gjerë.
Faleminderit trajneri Josa, ish-futbollistë, pjestarë të stafit, lojtarë, drejtues dhe tifozë të urojnë suksese në karrierën tënde!”, përfundon deklarata e klubit Skënderbeu në “facebook”.
