Ashtu siç njoftoi newsport.al para disa orëve, tashmë edhe klubi dibran e ka bërë zyrtar afrimin e mbrojtësit të djathtë Dusko Dukic. Me anë të një njoftimi zyrtar, Korabi bën me dije që akordi ishte arritur më para, dhe sot është nënshkruar kontrata që e lidh futbollistin për një vit me ekipin dibran.
"Mbrojtësi 30 vjeçar i krahut të djathtë, kroati Dusko Dukic, ka arritur akordin ditë më parë, she sot ka firmosur kontratë sezonale me Korabin. Dukic është aktivizuar së fundmi në Kategorinë Superiore me ekipin e Bylisit. Pas portierit Vujadinovic, Dukic është i huaji i dytë në ekipin tonë. Korabi i uron mirëseardhje dhe suksese", shkruhej në njoftimin zyrtar të Korabit.
Korabi hyri vrullshëm në merkato teksa ka afruar shumë futbollistë, disa ish-lojtarë të Superiores. Klubi dibran do të tentojë të shkojë dhe përtej objektivit të caktuar, pasi cilësia dhe optimizmi në grupin e formuar nuk mungon.
[gallery columns="1" size="full" ids="20836,20837"]
Lexo gjithashtu
