Korabi triumfon ndaj Shënkollit në miqësore, Mehmetoviç i jep “po”-në vetes

Sot, është luajtur takimi miqësor i radhës mes Korabit dhe Shënkollit. Ekipi i Haxhiut ka arritur të sigurojë një fitore në këtë takim me rezultatin 2-1. Ndeshja është luajtur në “Pezë Helmës”.

Golin e vetëm për Shënkollin e ka shënuar Julian Malo në minutën e  42-të dhe më pas, në minutën e 55-të Mehmetoviç ka shënuar golin e barazimit. Mehmetoviç aktualishy është në provë te skuadra e Haxhiut dhe takimi i sotmë ka qenë një nisje e mirë për të.

Më pas, në minutën e 73-të ka ardhur goli i avantazhit për Korabin nga mbrojtësi Elvis Prençi, i cili ka çuar në 2- 1 rezultatin përfundimtar të këtij takimi. Kujtojmë që në minutën e e 33-të të pjesës së parë kapiteni Sokol Mziu ka humbur një penallti të fituar nga Denis Peposhi,

Kjo ka qenë një ndeshje e mirë për Korabin, pasi përveç rezultatit pozitiv, ka provuar dhe prurjet e reja, për të cilët pritet të merret një vendim ditët e ardhshme.