Ard Mema ka folur për situatën në të cilën gjendet skuadra e Tiranës në këtë sezon futbollistik. Trajneri i njohur që më parë drejtonte kampionët e Shqipërisë, deklaroi se ka pasur një keqmenaxhim pas fitimit të titullit kampion.
I ftuar në emisionin "Sport Time", Mema i përjashtoi kryeqytetasit edhe nga Kupat e Europës. Sipas tij drejtuesit duhet të reagojnë për sezonin e ardhshëm për të ndryshuar situatën në ekip.
"Tirana kishte mundësi për të bërë një ekip më të fortë se vjet. Por, kjo gjë nuk ndodhi. Tirana nuk po gjen qetësi. Është bërë një keqmenaxhim, nuk mund të kthehesh dot pas. Pak a shumë të gjithë e kanë konstatuar këtë pjesë.
Të gjithë donin të shihnin një ekip më të fortë sepse kishte dhe financat e forta. Asnjëherë s'është vonë që një klub të vendosë pikat mbi "i". Për mua ky sezon është i përfunduar. Edhe për Kupat e Europës është 10 pikë larg vendit të kartërt", deklaroi ish-trajneri i Tiranës.
Lexo gjithashtu
