Sopoti akuzon gjyqtarin Elidon Halo për arbitrin të njëanshëm në favor të Apolonisë në takimin e luajtur dje mes këtyre dy skuadrave në Kategorinë e Parë.
Sopoti-Apolonia përfundoi 1-1, ndërsa drejtuesit e klubit librazhdas ndihenë të vjedhur nga gjyqtari që sipas tyre ka favorizuar fierakët.
Rastësi është fakti se gjyqtari Halo ishte i njëjti që arbitroi edhe sfidën e luajtur mes Sopotit dhe Apolonisë në javën e parë të sezonit, ku sërish drejtuesit e klubit librazhdas e akuzuan për një penallti inekzistente (faull jashtë zone) në favor të ekipit fierak.
"Arbitri Elidon Hale(o) është po i njëjti që na ka masakruar në javën e parë të këtij sezoni pikërisht ndaj Apolonisë.
Sot (dje) ky arbitër ka ndikuar në rezultat duke akorduar faull pafund inekzistentë në favor të skuadrës fierake dhe ishte i njëanshëm gjatë të gjithë 90-minutëshit.
Ndërkohë që ka nxjerrë me karton të kuq kapitenin Çota dhe duke përdorur dhe shprehje banale ndaj këtij të fundit.
Nuk është rastësi që Halja(Halo) vjen sërish ndaj Apolonisë dhe vendos fatet e sfidës në dy takime.
Për të demostruar se nuk kërkojmë të gjejmë alibi për mungesën e fitores së sotme (djeshme), vëmë në dukje arbitrimin ndaj Apolonisë në Fier të një tjetër gjyqtari ku skuadra jonë është mundur 3-2 dhe nuk kemi bërë asnjë polemikë.
Nëse Halja nuk ka ardhur me telekomandim nga lart atëherë të marrë ndëshkimin e merituar dhe mos t'i shikohet me boja në arbitrimin shqiptar. K.F Sopoti", shkruhet në reagimin zyrtar të klubit të Sopotit.
Lexo gjithashtu
