Kastrioti arriti të ndalte në barazim 0-0 Vllazninë kryesuese në "Loro Boriçi". Krutanët bën një ndeshje pothuajse perfekte duke frenuar Vllazninën në shtëpi. Një nga lojtarët më të mirë në fushë ishte edhe portieri i Kastriotit, Isli Hidi. Në fund për "Gol pas Goli", gardiani i portës u shpreh se me këtë barazim është rihapur edhe gara për titull.
Barazimi që vlen më shumë se një pikë? "Për ne ishte një pikë shumë e vlefshme pasi duam të grumbullojmë sa më shumë pikë. Ishte një sukses dhe sot kishim ardhur për të marrë pikë dhe luanim për 2 rezultate.
Kemi bërë disa gabime në ndeshjet e kaluara, por çdo lojtar ka mësuar. Kemi dominuar Tiranën, por fati nuk ishte me ne, por besoj se kjo pikë që vlen për ne dhe skuadrat e tjerat pasi kemi rihapur kampionatin.
Me këtë barazim u kemi dhënë një assist skuadrave të tjera. Në terrene të tilla lejohen edhe pak futboll i ashpër dhe normalisht që ka edhe tension. Është e zakoshme në futboll që të ketë tension që janë të pranueshme. Ndërhyrja e Nezerit ishte e rrezikshme, por ndikoi edhe terreni që ishte me shi".
E prisnit paraqitjet e mirë të lojtarëve të rinj? "Kemi pasur shumë ndryshime dhe largime, por grupi ka dhënë maksiumin. Zhivanaj dhe Rami kanë dhënë më të mirën e tyre sot, ndërsa largimet e dëmtimet që kemi pasur që nga janari kanë ndikuar në lojën".
Barazimi dhe sfida ndaj Bylisit? "E kam thënë edhe më përpara që ky kampionat nuk ka shumë diferenca. Jemi përballur shumë mirë me skuadra të forta dhe kemi gabuar me skuadra që janë poshtë nesh. Ndeshja e ardhshme do të jetë vendimtare për të na dhënë një siguri edhe pse kampionati është I gjatë".
Lexo gjithashtu
