Teksa ka mbetur më pak se një muaj nga fillimi i edicionit të ri futbollistik, klubet në Shqipëri po punojnë intensivisht për të krijuar skuadra sa më konkurrese. Në këtë periudhë nuk mungojnë as ndeshjet miqësore mes ekipeve që i shërbejnë trajnerëve si barometër për formën e futbollistëve të tyre.
Nesër, klubi i Devollit ka njoftuar se do të përballet me Dinamon. Bilishtarët përmes një njoftimi në kanalin zyrtar tregojnë axhendën e kësaj sfide që do të zhvillohet në orën 18:00 në stadiumin e Devollit. Sakaq edhe në Tiranë do të ketë luhet një tjetër miqësore. Bëhet fjalë për sfidën Vora – Tërbuni që do të zhvillohet në kompleksin “Internacional” në Pezë.
Dy ndeshje që do t’i shërbejnë 4 trajnerëve për të parë gjendjen e lojtarëve që kanë në dispozicion për sezonin e ri futbollistik.
NDESHJET, ORA 18:00
Devolli – Dinamo (Stadiumi “Devoll”)
Vora – Tërbuni (Kompleksi “Internaciona”)
