Juventus është në kërkim të një sulmuesi, pasi nga skuadra do largohet Gonzalo Higuain. ”Zonja e vjetër” ka në mendje shumë emra, por dy janë më të spikaturit: Pedro dhe Giroud. Këta të fundit do ”braktisin” Chelsea në fund të sezonit dhe nëj kalim në Serie A do ishte i mirëpritur. Një problem më vete është përshtatja, pasi Juventus ka mjaft lojtarë dhe konkurenca është e madhe.
Gjithsesi, deri në këto momente që po flasim gjithçka është në kuadrin e një hipoteze. Merkato është e gjatë dhe shumë gjëra mund të ndodhin, por bardhezinjtë nuk duan të humbin kohë. Kujtojmë që Giroud është edhe një objektiv i Interit e Lazios. Siç duket lufta nuk është vetëm në kampionat, por edhe në merkato.
