Artan Mërgjyshi nga sot është zyrtarisht edhe "de juro" trajner i Korabit. Burime për newsport.al bëjnë me dije që tekniku i afruar para disa ditësh në krye të pankinës dibrane, pasditën e sotme në prani të noterit ka nënshkruar marrëveshjen me administratorin Fehmi Mziu, që e lidh teknikun e mirënjohur për një vit me skuadrën e Korabit. Detaje të tjera nuk bëhen të ditura. Në këtë mënyrë 48-vjeçari i ekipit dibran është edhe juridikisht trajner i Korabit.
Siç dihet Mërgjyshi ka nisur nga puna për formimin e ekipit të ri që do të ketë në dispozicion për sezonin e ri. Objektivi i caktuar është qëndrimi mes të mirave, megjithatë puna që po bëhet në kampin dibran të bën të besosh që mund të ketë dhe diçka më shumë se aq. Shumë lojtarë kanë ardhur në provë ku brenda pak ditësh do të vendoset për të ardhmen e tyre.
[gallery columns="1" size="full" ids="18916"]
Lexo gjithashtu
