Me Superioren që merr vëmendjen kryesore të ditës së sotme, është edhe Kategoria e Parë që bën pjesë në axhendën sportive në mesditë. Vetëm një ndeshje do të luhet e cila do të hapi javën e 5-të të nivelit të dytë për nga rëndësa në futbollin shqiptar.
Kastrioti – Luzi është sfida e vetme e cila do të luhet në orën 15:00 paralelisht me Erzeni – Skënderbeu. Një ndeshje shumë e rëndësishme për të dy ekipet të cilat ende s’kanë gjetur fitoren e parë teksa gjenden në vendet e ulëta të renditjes. Krutanët kanë vetëm 3 pikë nga 3 barazime rradhazi ndërsa kavajasit 2 pikë.
Sot do të kërkohet fitorja e parë për të bërë një kthesë drejt rezultateve pozitive, mirëpo vetëm njëra do të ketë mundësinë ta arrijë.
