Kukësi nuk po kalon aspak një moment të mirë në kampionat. Verilindorët në 5 ndeshjet e fundit kanë marrë 4 humbje dhe një barazim. Pas humbjes ndaj Partizani, drejtimin e skuadrës e ka marrë Rrahman Hallaçi, por Kukësi vazhdon të mundet.
Në dy ndeshjet që Hallaçi ka drejtuar skuadrën, verilindorët janë mposhtur nga Teuta dhe Laçi. Për t’i dhënë zemër trajneri të Kukësit ka menduar, Ermal Nexhipi, trajneri i portierave të Kukësit U-21. Me një postim në rrjetet sociale, Nexhipi shkruan se Hallaçi është mbreti i Kukësit dhe pak njerëz e njohin.
“Je Rrahman Hallaçi dhe je mbreti i Kukësit, shumë pak të njohin. Vazhdo rrugën që ke nisur se sukseset të presin, kaq kisha”, shkruan Nexhipi në postimin e tij.
Loading ...
