Sekretari i Përgjithshëm i Federatës Shqiptare të Futbollit, Ilir Shulku në një intervistë për Supersport ka komentuar fillimin e kampionatit të 80 shqiptar, ku është shprehur se do të ketë mjaft konkurencë, pasi aty është rikthuer edhe Tirana. Të gjitha ekipet do të kjapin maksimumin për objektivat e tyre.
Ndër të tjera Shulku është shprehur se mosprania e policëve në stadium është një ligj që do të zbatohet, ku ka bërë një apel për bashkëpunim mes skuadrave për organizimin e ndeshjeve.
“Unë shpresoj që ky kampionat të jetë në vazhdën e kampionateve të kaluara. Kampionatet kanë qenë me gara dhe në të njëjtën kohë uroj që edhe ky kampionat të jetë kështu. Uroj një garë të fortë. Mendoj që këtë vit do të ketë garë, si për t’u shpallur kampion, por edhe ato që “luftojnë” për mbijetesë”.
Rikthimi i Tiranës
“Rikthimi i Tiranës padyshim që është një risi e kampionatit, pasi është një skuadër me traditë dhe sigurisht që derbi i jep më shumë kuptim kampionatit, por uroj që gjithçka të mbetet brenda futbollit.
Numri i lojtarëve të huaj është rritur. Sivjet ka patur një kërkesë nga klubet. Komisioni Ekzekutiv ka kërkuar një raport më të detajuar nga klubet.
Liçensimi i klubeve nuk ka qenë për Europën, rasdti i Luftëtarit ka të bëjë disa pika, ku gjirokastritët kishin shkelur një nga pikat, por kjo nuk e penalizoi skuadrën”.
Në lidhje me derbin Tirana-Partizani, Shulku është shprehur se ky është një logj që është vendosur nga komisioni parlamentar dhe duhet zbatuar, që do të thotë se në stadium nuk do të ketë policë.
“Nuk është vendim i policisë, por është një ligj, i cili ka vënë disa rregulla për të mos patur polic në stadium. Do të thoja që në komisionin parlamentar, megjithatë të jemi përpara faktit që është një ligj që duhet zbatuar. Kemi kërkuar që të kemi bashkëpunime të vazhdueshme për organizimin e ndeshjeve. Do t’i bëja një thirrje klubeve që të organizohen më shumë për mbarëvajtjen e ndeshjeve”.
Trukimi i ndeshjeve
Ka patur ndesjhe të dyshuara për trukim dhe kemi bashkëpunim me prokurorinë dhe janë në proces dhe jemi në pritje të vendimit.
Kombëtarja
Ndeshjet miqësore i shërbejnë trajnerit për të krijuar një fizionomi, por kam bindjen që do të kemi rezultate pozitive. Uroj ta nisim me këmbë të mbarë Nations League.
Loading ...
