Kukësi do të luajë ndeshjen e parë të vitit 2022 ndaj Dinamos. Ndeshja ishte planifikuar që të luhej në fundjavë, por skuadra verilindore është prekur nga covid-19 dhe për këtë arsye kanë kërkuar që të shtyhet ndeshja.
FSHF-ja ka mirtuar këtë kërkesë dhe sfida është programuar të luhet ditën e mërkurë në orën 16:45. Drejtuesit e klubit të Kukësit kanë vendosur që kjo ndeshje të luhet në stadiumin e ri “Kukësi Arena” teksa do të bëhet edhe inagurimi i impiantit të ri.
Fjalën e fundit nëse ky takim do të luhet në Kukës apo jo do ta ketë eskperti grek i fushës, Kostas Poulios. Ditën e sotme, do të vendoset nëse fusha e “Kukës Arena” është gati për të pritur sfidën e parë apo ndeshja ndaj Dinamos do të luhet në “Elbasan Arena”.
Loading ...
