Në këtë ditë të bukur prilli, Endri Vrapi ka zgjedhur të stërvitet me biçikletën e tij. Duke përfituar nga fasha orare e vendosur nga qeveria ku mundësia për të dalë është nga ora 5:00 deri në 13:00, në kuadër të masave të marra për përhapjen e Coronavirusit, ish-mbrojtësi i njohur është dëmtuar në mes të rrugës.
Gjuri duket se e ka tradhëtuar dhe këtë e tregon vetë ai përmes një postimi në rrjetet sociale. I ulur në një trotuar, Vrapi shfaqet duke marrë kujdes mjekësor nga një prej miqve të tij që e shoqëronte. “Iku menisku”, shkruan ai duke treguar problemin e krijuar në gju.