Idi BATHA komenton arbitrat dhe pagat tek Flamurtari: Uroj që që të jenë…

09.02

in SUPERIORE, VENDI

Reading Time: 1 min read

Flamurtari do të luajë ditën e nesërme sfidën e radhës në transafertë ndaj Luftëtarit. Një ndeshje delikate pasi të dyja skuadrat kërkojnë 3 pikëshin për tu shkëputur nga zona e mbijetesës. Vlonjatat pas humbjes në shtëpi ndaj Kukësit kërkojnë të rikthehet te fitorja, ndërsa gjirokastritët të vazhdojnë ecurinë pozitive pas fitores në transfertë përballë Laçit. Në këtë takim trajneri Daja nuk do të ketë në dispozicion mbrojtësi Deliaj për shkak kartonash dhe Alla që mbetet në dyshim për shkak dëmtimi. Në kofernëcën e sotme përpara mediave ka folur mesfushori Idriz Batha, që së fundmi ka bërë dhe rolin e sulmuesit ”pykë”.

“Do të jetë një ndeshje e vështirë për ne, e kemi të qartë. Luftëtari kërkon të marrë maksimumin, por edhe ne këtë gjë duam. Fitorja e fazës së parë në Gjirokastër? Mendoj se këtë radhë është gjithçka ndryshe. Të dyja skuadrat kanë ndryshuar shumë nga ajo ndeshje, ku ne fituam 0-1”.

Arbitrat? “Ne shpresojmë që arbitrat të jenë sa më pak protagonistë në vazhdim të kampionatit.

Pagat? Ne futbollistët mendojmë vetëm për atë që duhet të japim në fushën e blertë”, – u përgjigj Batha.