Partizani arriti të fitonte 1-3 në sfidën e fundit ndaj Vllaznisë. Skuadra kampione mori një 3-pikësh shumë të rëndësishëm për ecurinë në kampionat.
Një nga protagonistët e ndeshjes ishte edhe shkodrani Eraldo Çinari. Sulmuesi shënoi golin e dytë për të kuqtë dhe I ftuar në "Ora Sport", tregoi emocionet e tij përballë ekipit të vendlindjes.
Biseda me familiarët? "Normalisht për fëmijën e tyre, gjithsesi është i lumtur, por baba më tha: Mirë mor babë, ti bane golin dhe unë u kënaqa, por nesër si me dal unë në Shkodër?
Partizani gjithmonë ka qenë për kampion sepse është me histori. Nuk luaj si sulmues por mesfushor krahu dhe më vjen mirë që shënova për Partizanin por i mërzitur sepse i shënova ekipit të zemrës.
"E prita ndeshjen me mjaft emocione, por jo me kaq shumë emocione. Kur u futa në fushë ishte krejt tjetër. Besoj se shkoi mirë në aspektin e ekipit tonë, por zemra rreth për Vllazninë, pavarësisht se luaj për Partizanin" u shpreh Çinari.
Lexo gjithashtu
