Partizani arriti të dilte me 3 pikë nga derbi ndaj Tiranës. Të kuqtë mposhtën minimalisht bardhebluve me një gol të Çinarit në minutën e 83-të. Në fund të ndeshjes për mediat, portieri dhe kapiteni i Partizanit, Alban Hoxha u shpreh tepër I lumtur për këtë fitore.
“Normalisht derbi është shumë i rëndësishëm, e dimë të gjithë. Kishte shumë rëndësi për ne fitorja dhe ia arritëm qëllimit. Loja duhet të vazhdonte me 11 lojtarë, gaboi gjyqtari. Megjithatë janë gjëra që ndodhin në futboll”.
“I lumtur që nuk pësove gol? Jo vetëm për derbin, por për çdo ndeshje. Portieri atë ka për detyrë, që të mos ndëshkohet. Normalisht në derbi kënaqësia është dyfish më e madhe. Kështu që pa diskutim edhe unë jam shumë i lumtur që nuk pësova gol”.
“Ne anti-Vllaznia? Duke parë renditjen duket kjo gjë. Është herët akoma, ne do luftomë deri në fund për titullin. Nuk varet vetëm nga, por edhe nga kundërshtari. Varet sa do gabojnë ata. Normalisht kjo fitore na jep moral, por nuk duhet të vetëkënaqemi. Duhet vazhdimësi, pasi te jep edhe më shumë moral. Normalisht na jep një shtysë të madhe para ndeshjes me Teutën”.
“Gara? Nuk është se vetëm derbi ka vlerë, duhet vazhdimësi. Kjo fitore na jep moral. Duhet të jemi të përqendruar, pasi kampionati fitohet me të voglat. Derbi tani harrohet dhe vjen ndeshja tjetër. Nuk kemi qenë keq këto javë, kemi pasur edhe ndonjë luhatje. E përgjithshmja është pozitive”, u shpreh Hoxha.
Loading ...
