Ditën e nesërme do të luhet ndeshja e kthimit për Kupën e Shqipërisë, Partizani-Korabi. Sfida e vlefshme për turin e dytë do të luhet në orën 13:00 në stadiumin “Partizani”.
Në ndeshjen e parë të luajtur në Peshkopi të kuqtë fituan me rezultatin 1-3. Me një këmbë në turin e tretë Partizani do të luaj në “shtëpinë e re” aktin e dytë duke kërkuar mbështetjen e tifozëve. Rezultatet jo të mira kohët e fundit në kampionat, “Demat e Kuq” duan t’i hedhin pas me një triumf në Kupën e Shqipërisë.
Për këtë kanë bërë edhe një njoftim në rrjetet sociale për çmimet e biletave për nesër ku bie në sy ulja e ndjeshme e tyre. Klubi bën me dije se në Tribunën Qendrore bileta do të kushtojë 500 lekë, ndërsa në krahun Lindor do të kushtoj 200 lekë. Shitja e biletave do të fillojë nesër pranë stadiumit “Partizani”.
View this post on Instagram
