Ditën e premte luhet ndeshja e kthimit për Kupën e Shqipërisë, Teuta-Erzeni. Sfida do të luhet në “Niko Dovana”, në orën 16:00. Takimi i parë përfundoi në baraspeshë me rezultatin 1-1. Gjithçka është e hapur dhe të dyja skuadrat kanë shanse nga 50 me 50 për t’u kualifikuar.
Klubi shijakas ka karikuar edhe një herë tifozerinë e Erzenit për një pjesëmarrje sa më të madhe në ndeshjen e së premtes. Në një postim në rrjetet sociale klubi fton të gjithë tifozerinë shijakase për një pjesëmarrje sa më të madhe ndaj Teutës, duke shkruar se: “sëbashku nuk na ndal askush”.
