Partizani është në emergjencë për sulmues. Të kuqtë e kryeqytetit kanë larguar nga skuadra tre sulmues, që ishin pjesë e tyre sezonin e kaluar. Bëhet fjalë për Xhevahir Sukajn, Astrit Fazliu dhe Stevan Racic. Të tre sulmuesit ishin lojtarë kyç në formacionin e kuq. Megjithatë drejtuesit e skuadrës menduan që të ofronin në ekip sulmues të tjerë me cilësi më të mira se “ishët”, por ky plan nuk i shkoi siç e kishin menduar.
Këtë merkato verore janë afruar në skuadër sulmuesit Volas dhe Ekuban. Slloveni Volas, edhe pse erdhi me bujë të madhe, nuk po bind me lojën e tij. Kështu që largimi i tij nga Partizani është thjesht çështje kohe. Ndërsa vetëm Ekuban nuk mjafton për të mbajtur sulmin e kuq në të gjithë sezonin. Kështu që drejtuesit e klubit kryeqytetas duken të kenë bërë një gafë me largimin e tre sulmuesve të lartpërmendur.
Loading ...
Leave a Reply
You must be logged in to post a comment.