Luftëtari pret në shtëpi Flamurtarin në javën e tretë ta kampionatit. Gjirokastritët në dy takimet e para kanë zero pikë dhe kjo e sotmja do të jetë një ndeshje e jashtëzakonshme.
I ftuar në emisionin “Gol pas goli” analisti Luan Pinari është shprehur se trajneri Hasan Lika nuk duhet të shkarkohej, pasi ishte ai që dinte si të zëvendësonte Bregun dhe Abazajn.
“Hasan Lika e njihte këtë ekip, nuk duhej të largohej. Luftëtari ka gabuar me largimin e tij. Ky e dinte shumë mirë se si mund të zëvendësonin Bregun dhe Abazajn. Projekti duhet të vazhdonte të pretendonte, por jo ta niste edhe një herë nga e para”.