Federata Shqiptare e Futbollit në objektivat e saj kryesor ka edhe zhvillimin insfrastrukturës, për t’iu ardhur në ndihmë fëmijëve të apasionuar pas futbollit.
Gjatë ditës së sotme presidenti i FSHF-së, Armand Duka ka qenë pjesëmarrës në inagurimin e fushës më të re të futbollit për fëmijët, në Institutin e Ri-integrimit të të Miturve, në qytetin e Kavajës.
Duke patur në fokus fëmijët, FSHF është siguruar që një fushë cilësore t’ua ofrojë dhe të miturëve, të cilët ndodhen në këtë institut, duke i kushtuar një vëmendje të veçantë.
Pas fjalës së mbajtur nga Armand Duka, midis fëmijëve është zhvilluar dhe një ndeshje miqësore.
Loading ...
