Axhenda e Kupës së Shqipërisë dhe Kategorisë së Superiores është ndryshuar. Federata Shqiptare e Futbollit ka njoftuar në kanalin zyrtar se sfidat e turit çerekfinal do të luhen në 3 prill, takimet gjysmëfinale në 24 prill, ndërsa finalja në 2 qershor.
Ndërkohë bëhet me dije që java e 36-të e Superiores është zhvendosur për t’u luajtur në 29 maj. Më poshtë njihuni me njoftimin e Federatës Shqiptare të Futbollit:
“Sektori i Garave në Federatën Shqiptare të Futbollit ka bërë disa modifikime të kalendarit të Kategorisë Superiore dhe Kupës së Shqipërisë, pas një jave ndërprerje të aktivitetit futbollistik.
Ndeshjet e kthimit të turit çerekfinal të Kupës së Shqipërisë do të zhvillohen më datë 3 Prill.
Ndeshjet gjysëm finale do të zhvillohen në 24 Prill dhe 8 Maj 2019.
Finalja e madhe e Kupës së Shqipërisë për edicionin 2018-2019 do të zhvillohet ditën e dielë më datë 2 Qershor.
Java e 36-të e Kategorisë Superiore, e planifikuar për tu luajtur më datë 25 Maj do të zhvendoset për datë 29 Maj”, ishte lajmërimi për ndryshimin e axhendës në Kupën e Shqipërisë dhe Kategorinë Superiore.
Loading ...
