Stadiumi “Loro Boriçi” i është nënshtruar një ndryshimi në ditët e fundit. Pista rreth fushës është prishur dhe po rikonstruktohet. E gjitha do jetë prej tartani, teksa do shërbejë për atletët e klubit shkodran.
FSHF dërgoi në gjyq kompaninë që e kishte bërë pistën, teksa cilësia e saj e dobët u pa qysh në inaugurim. Prishja e shpejtë bëri që FSHF të merrte masat, duke bërë që kompania të detyrohet ta ribëjë nga e para.
Tanimë punimet kanë nisur me heqjen e pjesës së vjetër dhe zëvendësimin e saj me punime cilësore, teksa stadiumi “Loro Boriçi” pritet të ketë pamje të re me pistën funksionale. Fundi i këtij muaji do gjejë një pistë të re vrapimi në Shkodër.
