Tapeti i stadiumit “Air Albania” në Tiranë iu nënshtrua së fundmi një rikonstruksioni me bar hibrid, një përzjerje mes atij sintetik dhe natyral. Për shkak se diellëzimi në anën jugore të fushës ishte i dobët, një pjesë e tapetit nuk ishte në gjendje të mirë.
Investimi i ri i FSHF ende nuk është gati, me barin që do të paktën tre javë të marrë formën e duhur. Kur kanë kaluar jo më shumë se 7 ditë nga vendosja finale e tapetit të ri, në stadium janë duke u bërë punime. Kjo jo për ndonjë ndeshje futbolli.
Këngëtari shqiptar me banim në Itali dhe i njohur ndërkombëtarisht, Ermal Meta ka njoftuar prej muajsh koncertin në datën 17 të këtij muaji. Duket se fusha e re e stadiumit do inaugurohet më parë nga një koncert, për të pritur më pas ndeshjet e Superligës dhe kombëtares shqiptare.
Loading ...
