Kategoria Superiore do zhvillojë sot javën e 33-të. Në 19:00 është rezervuar derbi mes Partizanit dhe Tiranës. Dy trajnerët, Daja dhe Shehi kanë bërë publike formacionet e sfidës, me skuadrat që vijnë me disa ndryshime nga sfidat e fundit. Bardhi e Mala e nisin nga fillimi te Demat, teksa për bardheblutë rikthehet Çelhaka dhe Danso.

Fusha e "Air Albania Stadium" duket në gjendje perfekte, teksa në pamjet para ndeshjes gjithçka duket gati me lojtarët që kanë dalë në nxehmje. FSHF është kujdesur që gjithçka të jetë "ok", me stadiumin që nuk është përdorur për shumë javë, në pritje të derbit.

Formacionet zyrtare:

Partizani: Hoxha, Mala, Bitri, Belica, Hakaj, Broja, Murataj, Bardhi, Asani, Çinari, Stenio Junior Trajner: Ilir Daja

Tirana: Bekaj; Vangjeli, Najdovski, Hoxhallari; Toshevski, Batha, Çelhaka, Danso, Ismajlgeci; Torassa, Seferi Trajner: Orges Shehi