Sektori mik i stadiumit të Kukësit ku sot ishin vendosur tifozët e Partizanit ka mbetur pothuajase pa asnjë stol dhe i shkatërruar plotësisht.
“Guerrilsat” u përplasën me policinë në “Zeqir Ymeri” duke shkulur më pas stolat e duke krijuar një gjende paniku dhe amullie në minutën e 65-të të sfidës që përfundoi 0-0.
Siç duket edhe nga fotot e mëposhtme, dëmet në stadiumin e Kukësit janë të larta, ndërsa tifozët e Partizanit ngritën pretendime se u goditën me gurë nga tifozët vendas nga jashtë stadiumit ndaj edhe reaguan në atë mënyrë.
Por, pretendimet e tifozëve të kuq u hodhën poshtë nga shefi i klubit të Kukësit, Jonuz Hallaçi, i cili për Supersport deklaroi se askush prej tifozëve vendas nuk kishte goditur me gurë në drejtim të sektorit ku ishin vendosur fansat miq.