Katar 2022
Pas incidentit të djeshëm në sfidën Partizani-Flamurtari 3-1 ku u sulmua fotografi i klubit vlonjat Ccimi Ramaj nga disa tifozë të Partizanit, që e sulmuan gjatë festimit të golit të sulmuesit Andi Ribaj, vetë fotografi ka reaguar me anë të një postimi në “Instagram”.
Ai ironizoi me ngjarjen e ndodhur duke premtuar se do t’ia dhurojë tifozit që e sulmoi aparatin fotografik të dëmtuar.
“I bëj thirrje tifozit që donte aparatin, le të vijë se do t’ia bëj dhuratë me gjithë zemër, vetëm se të thyer dhe shkopin!”
Për shkak të incidentit, sulmuesi i Flamurtarit Andi Ribaj u ndëshkua me karton të kuq nga arbitri Indrit Myrtja me argumentin se nuk duhej të komunikonte me tifozët.
