Anësori i Kombëtares sonë Eros Grezda e ndoqi supersfidën e futbollit skocez midis Glasgoë Rangersit dhe Celticut nga shkallët e stadiumit “Ibrox”, e cila përfundoi me fitoren e ekipit të Grezdës 1-0.
23-vjeçari, pavarësisht se nuk ka spikatur këtë pjesë të parë të sezonit me ekipin britanik ka festuar mbylljen pozitive të kësaj faze me pikë të barabarta me rivalët e përjetshëm të Celtic (42 pikë, Celtic shpallet kampion dimri nga golavarazhi më i mirë). Lojtari kuqezi ka postuar në Instagram një foto me njërin prej shokëve të skuadrës duke shprehur entuziazmin për përfundimin e kënaqshëm të këtij viti.
“Çfarë rezultati për të mbyllur vitin 2018!”
Postimi i Eros Grezdës
Në 10 takime të kampionatit skocez, Grezda ka realizuar vetëm dy gola. Por ai nuk është përshtatur ende me futbollin dhe mentalitetin britanik duke marrë kritika të ashpra nga tifozët. Sot ish futbollisti i Celtic Chriss Sutton u tall me lojtarin duke thënë se ai kushton 22 €.