Data 12 maj e vitit 2019 do të jetë e paharrueshme për të gjithë tifozët e kuq dhe familjen e madhe Partizani. Pas 26 vitesh pa shijen e titullit, kryeqytetasit rikthenin trofeun e kampionit në shtëpi. “Arkitekti” i atij ekipi padyshim ishte Skënder Gega.
Trajneri tropojan ka reaguar sot në rrjetet sociale përmes faqes së skuadrës së moshave “Redeagle”, Akademi e krijuar së fundmi nga ai. “Pas 26 vitesh, ne realizuam ëndrrën tonë”, shkruan Gega në diçiturën e postimit.
Edhe pse sezoni i skuadrës nën drejtimin e tij ishte fantastik, para nisjes së Kupave të Europës, trajneri kampion dhe drejtuesit ndërprenë bashkëpunimin.
