Foto/ Skuadrës së kampionatit shqiptar i kompletohet stadiumi

Skuadra e Albpetrolit ka përfunduar vënien e stolave në stadiumin e tij “Alush Aga”. Bëhet fjalë për disa ulëse që u hoqën nga stadiumi “Qemal Stafa”, tashmë i rrafshuar. Skuadra nga Patosi kishte një stadium modest, ku ishin vetëm disa shkallë betoni dhe fusha e blertë. Por nga sot, mbështetësit e kësaj skuadre do të kenë një vend për t’u ulur. Në këtë mnëyrë Albpetroli ka menduar për rehatinë e tifozëve të tij.
Skuadra nga Patosi, është një ekip që militon në kategorinë e dytë të kampionatit shqiptar. Sezonin e shkuar, ai arriti të renditej në vendin e pestë.