Kategoria Superiore qysh prej 3 qershorit po vijon garën në fushë, pas ndalesës prej Pandemisë. Ndërsa në vendet fqinje janë rikthyer edhe tifozët, stadiumet shqiptare vijojnë të jenë të shkreta. Kjo gjë ndodh vetëm për kampionatin shqiptar, pasi e njëjta gjë nuk zbatohet në ligat amatore, apo kampionatet që zhvillohen në kryeqytet.
Në një ndeshje të zhvilluar dje në Football Republic, ku arbitër ishte Lorenc Jemini, shihet qartë tribuna e mbushur plot me sportdashës edhe pse sipas Qeverisë një gjë e tillë është e palejuar. Skuadra ku trajner është biznesmeni I njohur Fatmir Hysenbelliu, duket se ka mjaft tifozë, ndërsa tribuna plot bie ndesh me rregullat për kampionatin dhe futbollin profesionist në Shqipëri.
