Foto/ Partizani “kualidohet” përpara nisjes drejt Bratislavës

Partizani ka mbyllur ditën sotme seancën e fundit stërvitore në Shqipëri, në kuadër të përgatitjeve për ndeshjen e së enjtes, ku do të luajnë me Slovan Bratislavën. Të kuqtë ditën e nesërme në mëngjes do të udhëtojnë drejt Sllovakisë, me destinacion Bratislavën. Mësohet se Zhvillimi i takimit në stadiumin e Senicës, ka bërë që skuadra të akomodohet në një prej hoteleve pranë këtij qyteti. Të mërkurën në orën 19:00, ekipi do të zhvillojë edhe seancën e vetme stërvitore në stadiumin e FK Senica, impjant i cili ka një kapacitet prej 5 070 vendesh. Ky takim pritet me interes nga tifozët e kuq, pasi ndeshja e parë ka përfunduar me barazimin e bardhë 0-0, rezultat që favorizon të besuarit e teknikut italian Sormani.