FOTO/ Nga Partizani, te Dinamo e deri te Kukësi, Arbi LAÇI në “vallen” e titullit

Merkato e futbollistëve në vend po ‘zien’ prej ditësh. Skuadrat kanë nisur të lëvizin për të gjetur elementët cilësore që do bëjnë diferencën në sezonin e ri që pritet të nis shumë shpejt.

Dinamo është ekipi më aktiv i këtyre orëve, por pas nuk mbeten as Partizani e Kukësi. Shumë futbollistë kanë vendosur të firmosin me njërën prej tyre, të cilat koutohen edhe si favorite për të fituar titullin në Superiore.

Por kush fshihet pas kësaj “valljeje”? Ai është vetëm një dhe i vetmi, Arbi Laçi. Ish-drejtori sportiv i Tiranës ka furnizuar me futbollistët nën menaxhimin e tij të gjithë skuadrat e lartpërmendura.

Herald Marku firmosi te Partizani, si një zbulim i sezonit të shkuar te Vllaznia. Me gjuhën e përbashkët të gjetur mes tyre dhe Laçit, që gjithmonë nëse e jep llafin e mban, Dinamo zyrtarizoi malazezin, Sofranac.

Më i fundit ishte Shqiprim Taipi, që sot u prezantua te Kukësi. Megjithatë befasitë nga Arbi nuk besohet të ndalen këtu, pasi ashtu si një lojë futbolli, edhe ai do mbetet në “valle” deri në fërshëllimën e trefishtë të mbylljes së merkatos.