Partizani do të presë Egnatian në shtëpi në ndeshjen që ishte programuar të luhej në orën 16:00 por është ndryshuar dhe do të luhet në orën 19:00. Klubi i kuq po kalon një moment negativ teksa vjen me tre ndeshje pa fitore duke i hapur krahun rivalëve të Tiranës të cilët marrin kryesimin me 4 pikë diferencë.
Shitja e dy liderëve, Bitri e Skuka, ka mbushur arkat e klubit por ka lënë një boshllëk që duket i vështirë të mbushet. Frustrimi i këtyrë ditëve vërehet tek të gjithë në kampin e kuq madje edhe te tifozët të cilët janë vërshuar me komente në faqen e klubit duke shfryrë inatin e tyre për dështimin e ndeshjeve të fundit.
Duke parë komentet e shumta kundrejt klubit, Partizani ka vendosur të bllokojë komentet në postin e fundit në Instagram duke u “mbyllur” gojën tifozëve.
View this post on Instagram
