Eneo Bitri është përfolur për një rikthim të mundshëm te Partizani në merkaton e janarit. Edhe pse duket e vështirë një transferim i tillë, futbolli ka treguar se të papriturat janë pjesë e tij. Për t’i shtuar më shumë dozat e këtyre zërave duket se ka menduar vetë ai.
Dje, Bitri ka qenë prezent në ndeshjen Partizani – Skënderbeu që përfundoi në shifrat 2-1. Shtatlarti i prapavijës ka pëlqyer të shohë nga afër këtë sfidë, konkretisht ish skuadrën e tij ku nuk mungojnë dhe shokët me të cilët ka luajtur. A do të rikthehet në merkaton e janarit? Pritet të shihet në vazhdim.
