Bylis fitoi Kategorinë e Parë këtë vit dhe sezonin e ardhshëm do e shohim pjesë të Abissnet Superiore, krah më të mirëve të futbollit shqiptar. Xhoi Carkanji zyrtarizoi dje mes falenderimeve largimin nga klubi ballshiot pas 2 vitesh. Dy largime të tjera të zyrtarizuara nga klubi ishin ato të mesfushorit Ntepe dhe mbrojtësit Stojanoviç, të cilët nuk ishin prej shkurtit me skuadrën.
Dita e sotme ka lajme rinovimi. Bëhet fjalë pikërisht për një prej lojtarëve më të rëndësishëm në kampin mallakastriot, brazilianin Lorran Quintanilha. Pas dy sezoneve me fanelën e Bylisit, 26- vjeçari ka vendosur ta zgjasë kontratën dhe për dy vite të tjera. Projektimi i Bylisit që do shohim në Abissnet Superiore, ka filluar të bëhet. Më poshtë mund të lexoni njoftimin e plotë të klubit.
“Merkato e skuadrës sonë nis me rinovimin e një nga lojtarëve më të spikatur dhe më shumë të aktivizuar te Bylisi. Pasi kaloi dy sezone shumë të mira, braziliani Lorran Quintanilha do të vijojë të jetë pjesë e jona edhe për 3 sezone të tjera! I dashuruar me Shqipërinë dhe i mirëpritur e respektuar në klubin tonë, Lorran do të jetë një nga themelet e projektit të ri të Bylisit të Superiores! Suksese kampion!” njofton Bylis në rrjetet sociale.
Loading ...
