Prej më shumë se 2 ditësh vendi ynë është përfshirë nga temperaturat e ulëta. I ftohti dhe dëbora kanë “pushtuar” thuajse të gjithë vendin.
Pikërisht për shkak të dëborës që ka përfshirë disa qytete të vendit ka bërë që një ndeshje të luhet në kushte aspak komode për lojtarët.
Sfida e Kategorisë së Dytë mes Devollit dhe Luftëtarit është luajtur me fushën e mbuluar nga dëbora. Sigurisht një ndeshje shumë e vështirë për lojtarët për të luajtur, por në fund do të ishin vendasit që do të triumfonin me shifrat 4-1 ndaj gjirokastritëve.
Pastrimi i dëborës ishte bërë vetëm në vijat e fushës që të behej e mundur edhe dallimi i tyre.
