Kupa e Shqipërisë ka startuar ditën e djeshme dhe Tirana ka arritur të marrë një fitore shumë të rëndësishme përballë Ilirisë në transfertë me rezultatin 1-4. Kjo ishte fitorja e parë e sezonit, pasi në 3 ndeshje në kampionat deri më tani ka zhgënjyer me vetëm 1 pikë.
Mirëpo tashmë duket se në skuadër ka ardhur besimi për të ndryshuar gjendjen. Lojtari i bardhebluve, Eni Imami ka postuar një foto në rrjetin social “Facebook”, ku shihet së bashku me shokun e tij Grent Halili. Në statusin e tij ka komentuar edhe mbrojtësi i Teutës Tefik Osmani, i cili në formë shakaje ka thënë se duken shumë të mërzitur, por edhe ndoshta që lojtarët nuk e kanë të sigurt vendin në formacionin bazë.
“Shumë të mërzitur të dy”, shkruan Osmani. Kujtojmë që ndeshjen e ardhshme në kampionat Tirana do e luajë përballë Luftëtarit në shtëpi në stadiumin “Selman Stermasi”.
Loading ...
