Kukësi ka nisur përgatitjet për ndeshjen e fundjavës ndaj Skënderbeut, e vlefshme për javën e 17-të të Kategorisë Superiore. Me grupin e verilindorëve janë bashkuar edhe blerjet e reja, sulmuesi Vasil Shkurtaj dhe mbrojtësi Filip Gligorov. Të dy futbollistët janë në gjendje të mirë fizike dhe do jenë gati për 90 minutëshin e 23 janarit ndaj korçarëve.
Kukësi ka grumbulluar deri më tani 28 pikë, pas 16 javësh. Ekipi i Longosa gjendet në vendin e 3-të, me po aq pikë sa ka edhe Laçi i vendit të dytë.
“Skuadra është rikthyer sot në fushë dhe ka nisur përgatitjet për ndeshjen e radhës ndaj Skënderbeut. Pas ndeshjes ndaj Dinamos, skuadra nuk ka humbur kohë dhe menjëherë ka zbritur në fushë për ndeshjen e radhës. Me skuadrën janë bashkuar edhe sulmuesi Vasil Shkurtaj e mbrojtësi Filip Gligorov. Dy futbollistët kanë zhvilluar sot stërvitjen e parë me ekipin e parë dhe do të jenë të gatshëm për ndeshjen e radhës. I gatshëm për ndeshjen ndaj Skënderbeut është Emiljano Musta i cili ka shlyer dënimin e kartonëve” – shkruan klubi.
Loading ...
