Nexhat Bizhdili është shfaqur pas 10 vitesh mungesë ne mbrëmjen Gala të organizuar nga Federata Shqiptare e Futbollit. Presidenti i Besës së Kavajës i ka surprizuar të gjithë duke u shfaqur krah krerëve të tjerë të futbollit shqiptar. Në një foto të siguruar nga Newsport.al ai shfaqet në krah të Pashk Laskut, presidentit të Laçit që ka zgjedhur të jetë sonte mes njerëzve të futbollit.
Këtë vit në Kavajë, objektivi është i qartë: Rikthimi në elitë. Pjesëmarrja e Bizhdilit në këtë mbrëmje gala është ogur i mirë për Besën e Kavajës që këtë vit rivalizon për t'u ngjitur mes më të mirëve. Kujtojmë që verdhezinjtë këtë sezon mbajnë vendin e dytë në Kategorinë e Parë. Presidenti Bizhdili është gati të shpenzojë gjithçka vetëm e vetëm që Besa të bëjë pjesë mes 10 skuadrave më të mira. /Newsport.al/
Lexo gjithashtu
