Afrim Taku u pezullua 10 ditë nga drejtuesit e klubit të Tiranës për shkak të një debati të ashpër që pati me trajnerin Mirel Josa. Sot, presidenti Refik Halili ka bërë një mbledhje para seancës së sotme stërvitore dhe është vendosur që golashënuesi më i mirë i skuadrës do t’i bashkohet grupit.
Nga fotot e siguruara nga redaksia newsport.al, shihet që 27-vjeçari është bashkuar së bashku me grupin e tjerë të lojtarëve duke u vendosur nën urdhrat e teknikut Mirel Josa. Ai ka hyrë fillimisht në fushë me Devi Mukën, por më pas është futur në dhomat e zhveshjes për t’u ndërruar dhe ka zbritur në fushën e kompleksit “Skënder Halili” me fanelën bardheblu.
Loading ...
