Partizani dhe Apolonia do përballen sot në 13:00 në Fier. Në “Loni Papuçiu”, ndeshja vlen për javën e 22 të Superligës, me miqtë e Ilir Dajës që mund të barazojnë Vllazninë në krye me një fitore të mundëshme. Në varësi edhe të rezultatit të ndeshjes mes Teutës dhe shkodranëve, “Demat” tentojnë sot kreun.
Ndaj një kundërshtari jo të lehtë, Partizani do duhet të jetë i përqëndruar në fushë, për të mos përsëritur barazimin 1-1 të fazës së dytë. Në dy duelet e këtij sezoni, Partizani ka fituar 1 ndeshje dhe ka barazuar 1 tjetër me fierakët që në fushën e tyre kanë treguar nivel të mirë loje.
Formacionet zyrtare:
Apolonia: Harizaj, Diop, Sota, Mihana, Agyare, Shanaj, Smaçi, Yeboah, Haxhiu, Krasniqi, Gjata Trajner: Fabrizzio Cammarata
Partizani: Hoxha, Idrizaj, Bitri, Belica, Hakaj, Mala, Kote, Bardhi, Melo, Asani, Çinari Trajner: Ilir Daja