Mario Cenolli, menaxheri i disa lojtarëve shqiptarë ka folur për situatën më të fundit të kombëtares kuqezi për newsport.al. Cenolli është shprehur i zhgënjyer pasi, FSHF-ja mund ta menaxhonte më mirë këtë situatë. Sipas tij u larguan tre super lojtarë që do ta bënin kombëtaren shqiptare shumë komode në këto eliminatore të Botërorit "Rusi 2018".
"Jam thjesht i zhgënjyer, pasi Federata Shqiptare mund ta menaxhonte më mirë këtë situatë. Na ikën tre super lojtarë që do të na bënin shumë komodë në këto eliminatore si Rashica, Shala dhe Meha", u shpreh Cenolli.
Kujtojmë që ditën e sotme i pari që deklaroi që do të largohej nga kuqezinjtë ishte Milot Rashica, ndërsa për Herolind Shalën ishte vetë De Biazi që e konfirmoi. Mesfushori Alban Meha disa orë pas Rashicës bëri edhe ai me dije që kishte marrë vendimin për t'iu bashkuar përfaqësueses së Kosovës.
Lexo gjithashtu
