Diego Longo ka folur pas fitores 2-1 kundër Dinamos. Skuadra e Kukësit përmbysi disavantazhin 1-0 duke realizuar 2 gola të rëndësishëm që e mbajnë në luftën për Europë. Në fjalën e tij për Supersport, trajneri italian i verilindorëve u shpreh:
“Dua të bëj diçka. Doja që të bëja që javën e shkuar, por nuk ishte mundësia. Dua të uroj Tiranën për titullin kampion. E kam bërë privatisht, por dua ta bëj dhe në mënyrë publike. Dhe e dyta që i uroj Skënderbeut e Dinamos, rikthim sa më të shpejtë në Superiore. Janë ekipe me histori dhe duhet të jenë. Sa i përket ndeshjes, ndeshje të tilla duhet të luftohen dhe duhet t’i fitonim.
Skuadra? Është e vërtetë që krijuam dhe humbëm shumë raste. Dy muajt e fundit ishin të vështirë, por kjo fitore na jep qetësi. E përsëris, kanë qenë dy muaj të vështirë. Nëse mund të them dhe gjithçka, që kjo fitore ishte për stafin dhe lojtarët e mi që më në fund e arritën”, tha ai.
Loading ...
