Apolonia arriti të mposhte me rezultatin minimal 1-0 Laçin në shtëpi. Mjaftoi një gol nga Mario Gjata në pjesën e parë për t’i dhënë 3 pikë të rëndësishme për mbijtesë skuadrës fierake. Në fund të ndeshjes për “Gol pas Goli”, trajneri i Apolonisë, Cammarata u shpreh:
“Kemi marrë 7 pikë në 3 ndeshjet e fundit, por sot ishte shumë e vështirë pasi luanim ndaj një skuadre të fortë. Lojtarët treguan shumë karakter dhe shumë dëshirë për të fituar. Që kur kam ardhur, skuadra në stërvitje po bën shumë mirë dhe u kam dhënë shumë besim lojtarëve të rinj në mënyrë që të rriten akoma më shumë.
Nëse jemi në fund të tabelës tregon që një problem e kemi. Detyra ime është të përmirësoj skuadrën si të shënoj, por edhe të mbrohet. Edhe pse do të luajmë ndaj skuadra të forta duhet të mbrohemi mirë, por edhe çdo skuadër që do të vijë këtu do ta ketë edhe më të vështirë”.
Mendoni se Apolonia mund të arrijë më shumë? “Gjëja e parë që kam bërë këtu është që i kam dhënë besim dhe ekulibër skuadër. Sot kemi krijuar shumë, e dimë që do të jetë e vështirë, por kam ardhur këtu dhe mendoj se skuadra ka vlera. Pak nga pak mendoj se do të arrijmë të marrim rezultate të mira”.
Loading ...
