Finalja e madhe është përcaktuar, Partizani dhe Egnatia do të përplasen për titullin kampion të Superiores më 26 maj në Air Albania. Dy skuadrat që u renditën në krye gjatë sezonit të rregullt do të duelojnë për lavdinë në një finale si asnjëherë më parë. Numërimi mbrapsht ka nisur dhe të gjithë protagonistët po bëjnë përgatitjet e tyre.
Favoritë në letër nuk ka, është një finale dhe të dy skuadrat kanë treguar që kanë kapacitetet maksimale për ta bërë të tyrin trofeun e kampionit. Megjithatë, çdokush bën parashikimet e veta sipas asaj që ka parë në fushën e lojës. Ndër ta është edhe moderatori Gerti Çarçani i cili në emisionin 'Elitë' u shpreh se "titulli do ruhet nga Partizani", një parashikim që e përforcoi për të dytën herë në emisionin e tij pas gjysmëfinales Egnatia - Vllaznia ku tha se "titulli mbetet në kryeqytet."
Një deklaratë që si duket nuk i ka pëlqyer drejtorit të Egnatias, Klejdi Zenelaj i cili së fundmi po bëhet gjithnjë e më i 'dukshëm' edhe në rrjete sociale. Në faqen e tij në Instagram, ai ka ndarë një foto të skuadrës nën diçiturën: Çunat që prishin ëndrrat dhe fiksimet e analistëve dhe studiove televizive. Shihemi në finale!
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
