Legia e Varshëvës do të luajë ditën e nesërme sfidën e radhës në kampionat ndaj Gornik Zabrze. Trajneri i skuadrës polake, Czeslaw Michniewicz ka folur në konferencën për shtyp në prag të kësaj sfide duke analizuar kundërshtarin, ndërsa ka folur edhe për afrimet e reja në ekip. Numri një i pankinës së Legias pa folur me superlativa për Ernest Muçin duke e krahasuar me disa yje botërore për nga cilësitë.
Ernest Muci? Ky lojtar mund të luajë si një 10, por edhe si sulmues 9 duke zbritur në vijën e dytë, duke mbajtur të gjitha përmasat e sulmit. Mbiemri i Ernestit është Muci, por ne e kemi ndryshuar butësisht në "Messi". Në bazë të asaj që ka shumë karakteristika që të kujtojnë yjet e klasit botëror - liri në trajtimin e topit, kreativitet dhe inteligjencë në fushë. Duhet të mbani mend se është vetëm fillimi dhe vetëm disa seanca stërvitore. Do të ketë kohë për vlerësim.
Uroj që të gjithë lojtarët e rinj të zhvillohen në klub sa më shpejt të jetë e mundur dhe të tregojnë potencialin e tyre. Kuptohet që çdo transferim përfshin disa rreziqe. Një lojtar adoptohet më shpejt, një tjetër kërkon kohë dhe një tjetër nuk mund ta gjejë veten. Ne do të krijojmë kushte të mira që këta lojtarë të zhvillohen, por ata vetë duhet të luftojnë për vendin e tyre në skuadër. Ndonjëherë rrethanat i ndihmojnë lojtarët si kjo, siç ishte rasti me Shabanov, i cili hyri në ndeshjen e tij të parë dhe luajti 45 minuta. Sidoqoftë, në secilin rast, ne kemi të njëjtën moto - lufto, puno dhe bëhu më i mirë se të tjerë".
Lexo gjithashtu
