Edi Martini ka folur pas barazimit 1-1 në Laç kundër kurbinasve. Trajneri i Teutës deklaroi për mikrofonin e Supersport:
“Të them të drejtën, kur jemi nisur për këtë synimi i vetëm ka qenë për të mos humbur. Gjithësesi mënyra se si shkoi ndeshja, mund të fitonim. Një gol nga pakujdesia, na e zbehu pak lojën që kërkonim të bënim. Edhe në pjesën e parë kishim mundësinë të shkonim 2-0. Qarkulluam topin dhe humbëm rastin. Jam i kënaqur me barazimin kështu si shkoi ndeshja.
Vila? Bëri punën e tij. Ka formë të mirë fizike. Edhe pse humbi rastin, mund të them që është meritë e kundërshtarit, portierit, një pritje që bëhet një herë në një shekull.
Pse dy zëvendësime? Unë kam bërë tre ndërrime mos të gabohem. Të them të drejtën është pak problem. Pjesën e stolit i kam të gjithë të rinj. Edhe dy lojtarët që kanë ardhur ditët e fundit, na kanë prishur shumë punë. Kur e kthen kokën nga stoli, ata janë akoma çuna të rinj. Janë futbollistë të mirë, por t’i japësh minuta në ndeshje të tillë, është thikë me dy tehe”, ka përfunduar ai.
Lexo gjithashtu
